კანონი ტექნოლოგიების შესახებ
დადებითი ეთიკური პრინციპები
- არსებობს რამდენიმე დადებითი ეთიკური პრინციპი, რომლებიც ინტერნეტში, ქსელში, კომპიუტერთან მუშაობისას თუ, ზოგადად, ცხოვრებაში უნდა გავითვალისწინოთ:
- ინფორმაციის კონფიდენციალურობა არის ტერმინი, რომელიც აღკვეთს ინფორმაციის გამჟღავნებას არა ავტორიზებულ პირზე. მაგალითად, ბანკის საკრედიტო ბარათის ნომერი ან პინ-კოდი არ უნდა იცოდეს სხვამ (არასანდო პირმა), განსაკუთრებით ინტერნეტში;
- ინფორმაციის მთლიანობა გულისხმობს, რომ ინფორმაცია იყოს სწორი და თანმიმდევრული. ინფორმაციის მთლიანობა დაირღვევა, თუ ის შეუმჩნევლად შეიცვლება. შესაძლებელი უნდა იყოს ცვლილების აღმოჩენა;
- ინფორმაციის ხელმისაწვდომობა გულისხმობს, რომ მომხმარებელმა საჭიროების შემთხვევაში უნდა შეძლოს ინფორმაციის მიიღება (კანონიერი გზით).
- პოზიტიური სოციალური უნარ-ჩვევების დემონსტრირება ნიშნავს - არ დავარღვიოთ მინიმუმ ზემოთ ჩამოთვლილი სამი წესი. მაგალითად:
- არ გავავრცელოთ სხვისი პირადი ანუ კერძო ანუ კონფიდენციალური ინფორმაცია, მის დაუკითხავად
- არ შევცვალოთ მეგობრის დამზადებული ფაილები მის დაუკითხავად
- არ წავშალოთ მეგობრის ბლოგზე გამოქვეყნებული ინფორმაცია, სხვისი ფაილები, არ დავაზიანოთ სისტემური ფაილები.
- თუ მეგობარს ან სხვა მომხმარებელს თავად არ შეუძლია საკუთარი ინფორმაციის კონფიდენციალურობის, მთლიანობის ან ხელმისაწვდომობის უზრუნველყოფა, ჩვენ ეს ბოროტად არ უნდა გამოვიყენოთ!
No comments:
Post a Comment